Khwab Mein Zalzala Dekhna

Khwab mein zalzala dekhne kaisa hai?

Hazrat Jafar Sadiq reh’matullahi a’laih ne farmaya keh khwab mein zalzala aur zameen ka garq hota dekhna badshah ki taraf se mehnat aur bala e azeem par daleel hai. Farmane Haq ta’ala hai “Humne usko aur uske ghar ko zameen mein dhasaya”. Bahar hal khwab mein zalzala us mulk walo ke liye azaab aur malamat par daleel hai.

Hazrat Ibn e Sireen a’laihi rehma ne farmaya hai keh agar dekhe keh zameen harkat karti hai daleel hai keh zameen ke harkat ke mutabiq is mulk ke badshaho ke badshah se ranj aur malamat pohunchegi. Aur ahle tabeer ne bayan kiya hai keh logon ko aafat pohunchegi aur us mulk mein beemari padegi. Aur agar dekhe keh zameen bhaari aur zeir wa bala huwi hai, daleel hai keh is mulk mein bala aur fitna padenge.

Hazrat Ibrahim Kirmani ne farmaya hai keh agar dekhe keh zameen ahista hili hai aur aadi garq hogayi hai daleel hai keh us mulk mein aisa badshah aayega jo is mulk ko a’zaab dega.

Khwab mein zalzala dekhne ki tabeer

Shaikh A’bdul Ghani ke mutabiq

  1. Khwab mein isay dekhna badshah se khauf par dalalat hai.
  2. Kisi khas maqam par zalzala naqal wa harkat aur tabdeeli ki nishani hai.
  3. Baaz ulama e tabeer ne kaha keh isse murad badshah ki taraf se paish aane wala koi haadsa hai.
  4. Agar  aam zalzala ho toh woh kaam aur haadsa bhi aam hoga warna woh maqam aur jagah jisme woh zalzala aaya hoga woh iski zid mein aayega.
  5. Agar pahadon mein se kisi pahad ko hilta huwa dekhe ya kanpta huwa dekhe ya apni jagah se hatkar phir apne jagah barqarar hote dekha toh yeh us jagah ka badshah ya bada koi aadmi hai jise koi musibat aur badi takleef pohunchegi.
  6. Agar kisi ne dekha keh kisi ilaqay mein zalzala aaya hai aur wahan ke kuch log dhans gaye hain. Aur kuch log bach gaye toh waha badshah hamla aawar hoga. Aur waha keh rehne walon ko saza dega.
  7. Baaz ne kaha keh isse sakht beemari muraad hai.
  8. Agar kisi khas alaqay mein zalzala aaya toh badshah waha ke riyat par zulm karta hoga yahan tak keh woh majboor hokar raaz na ughal dein.
  9. Agar kisi ne dekha keh zameen mein zalzala aaya aur aasman bhi kanpne laga toh us shaherwale badshah ki wajeh se saza diye jayenge aur inko beemariyo aur takleefon ki wajeh se jaani wa maali nuqsan pohunchega.
  10. Agar kisi ne zameen ko hilte huwe dekha toh yeh dekhne wale ke muamlaat aur zindagi mein harkat aur tezi ki alamat hai.
  11. Agar kisi ne dekha keh zameen mein zalzala aaya toh wahan koi aazmaish aayegi jaise badshah, sardi, qahat saali, sakht khauf, waghaira.
  12. Aise hi zalzala ka khwab mein dekhna ghabrahat hiladene wali aur takleef dah khabarein, nit nayi inkishafaat aur raazon ki bhi alamat hai.
  13. Agar hamila aurat dekhe toh woh wazaa hamal kardegi. Kabhi yeh dekhne wale ki maut ki alamat hoti hai.
  14. Banjar zameen ka hilna uske bone aur qabile kaasht hone ki alamat hai. Aur banjar zameeno ko aabaad karne ki bhi alamat hai. Kabhi zalzala logon ki beemariyon ki wajeh se logon ka pareshan hoke phir maut se bachte huwe shifa paane par bhi dalalat karta hai.
  15. Kabhi zalzala samundari safar par dalalat karta hai. Zalzala kabhi gaane par neiz samundari safar se ruk jane par dalalat karta hai.
  16. Kabhi yeh biwiyon ki burayi par dalalat karta hai.
  17. Agar zalzala kisi baagh mein aaye toh yeh paudon ki ziyadati aur garmi ke phalon ki ziyadati ki alamat hai neiz dihat waalon ke fitno par daal hai.
  18. Agar khwab May ke mahine mein ho toh logon mein aapas mein ladayi aur iske mutassilan koi fitna hoga khwa din ko dekhe ya raat ko.
  19. Agar khwab mein dekhe aur mahina June ka ho toh shareeron ke halak hone ki alamat hai.
  20. Agar din ko dekhe toh yeh ulama ke ahadon ki tajdeed ki alamat hai.
  21. Agar July ke mahine mein dekhe toh yeh kisi bade aadmi ki maut ki alamat hai.
  22. Agar August mein dekhe toh yeh kisi hamla awar dushman par daal hai.
  23. Agar September mein dekhe toh yeh is baat ki nishani hai keh wahan koi ajnabi aadmi aayega. Us jagah bhook wa aflaas padegi uske baad wirani chajayegi.
  24. Agar khwab dekha keh mahina October ka ho yeh beemari, hamila aurat ki salamati aur ghilla sasta hone ki daleel hai.
  25. Agar November ke mahinay mein dekhe toh yeh sakht maut aur beemari lekin sath sath dushman se aman ki alamat hai.
  26. Agar January ke mahine mein dekha toh yeh naujawano ke martaba ki alamat hai.
  27. Agar February mein dekha toh yeh bhook aur isqaat e hamal par daal hai.
  28. Aur March mein dekha jaane wala khwab khush haali par dalalat karta hai.

Leave a Reply

Your email address will not be published. Required fields are marked *

x