Hazrat Ali Ki Nasihat
Insan Karta woh hai jo woh chahta hai, hota woh hai jo Allah chahta hai. Karte raho woh jo Allah chahta hai, hoga woh jo tum chahte ho.
Tamam Tareef Allah A’zzawajal ke liye aur Durood o Salam Uske tamam Anbiya aur Rasoolon par khaskar Mohammad (Sallallahu a’laihi wa sallam par)
Kayi musalman shikayat karte rehte hain keh hamari duayein qubool nahi horahi, Allah ta’ala hamari dua kyu nahi sunta? Iske hal ke liye hum sab Hazrat Ali radiallahu a’nhu ke is qaul se nasihat hasil karsakte hain aur apne aap ko is qabil banane ki koshish jari rakh sakte hai. Jab hum Allah ta’ala ko razi karne ke liye uski ibadat karne lagenge aur gunahon se bachte rahenge toh kuch hi saalon mein mustajab ad dua hojayenge. Jab Allah ki pasand ko hum apni pasand banalenge toh hamari pasand bhi jald hi poori hojayegi Allah ke karam se.
