Khwab Mein Kisi Ajnabi Insan Ko Dekhna

Khwab mein ajnabi ko dekhne ki tabeer

Jo shaks khwab mein koi namaloom shaks dekhe toh kabhi woh khud shaks murad hota hai. Agar us shaks ko koi neiki ka kaam karte dekhe toh woh khud iska karne wala hai. Agar isko koi burayi karta dekhe toh woh iska muratakib hoga. Aur kabhi ek shaks ka dekhna iske rizq ya ajal ki had par daleel hota hai.

Khwab mein 2 insan dekhna

Aur agar khwab mein do shakson ko dekhe toh agar woh khaufzada ho toh yeh aman ki alamat hai. Aur agar teen insano ko dekhe toh yeh is baat ki daleel hai keh woh haram ke irtikaab se parhez karega. Aur jo shaks khwab mein koi maloom wa maroof shaks ko dekhe toh woh isse ya isse milte jhulte shaks se koi cheez lega. Aur jo shaks dekhe keh jaise isne koi pasandida cheez isse li hai toh woh isse apni pasand ki cheez lega. Aur agar koi sahib e wilayat khwab dekhe keh goya usne usse nayi qameez li hai toh woh isko waali banayega.

Agar isse koi rassi li haitoh yeh kisi ahad ki alamat hai. Agar dekhe keh usse maal liya hai toh woh isse mayoos hoga. Aur donon ke darmiyan bughz wa a’dawat paida hogi.

Khwab mein maroof insan ko dekhna

Aur jo shaks kisi maroof insan ko dekhe toh woh buland rutba ko pohunchega. Aur agar woh buland rutba ho toh iski qadar wa manzilat mein kami aayegi, ya kisi aafat mein mubtala hoga jaisa usne khwab dekha hai isi tarah ki tabeer hogi yani nazool e khair ya nazool e shar khwab ke mutabiq hoga. Aur yeh khair ya shar ka nuzool ya toh barabar sarabar hoga ya isme naqs tada mein zyadati ki aur zyadati tadad mein kami ki alamat hai. Warna woh khwab iski tarah ke aadmi ya us shahar ke kisi fard par mahmool hoga.