Khwab Mein Saanp Dekhna

  1. Khwab mein saanp dekhne ki tabeer

    Tamam tareef ALLAH A’zzawaj ke liye, Durood O Salam ho uske pyare habeeb Mohammadur RasoolALLAH (Salallahu a’laihi wa sallam) par

    Hazrat Jafar Saadiq reh’matullahi a’laih ne farmaya hai keh khwab mein saanp ka daikhna 10 wajeh se hai:

    1. Taaqat
    2. Zindagani
    3. Salamat
    4. Baadshahi
    5. Sipah salari
    6. Aurat
    7. Daulat
    8. Maut
    9. Ladka
    10. Selaab
  2. Khwab mein saanp ko marna

    Hazrat Ibn e Sireen reh’matullahi a’laih ne farmaya hai keh khwab mein saanp bad khwa aur poshida dushman hai. Agar daikhe keh uske ghar mein toh gharelu dushman par daleel hai. Aur agar jungle mein daikhe toh begana dushman par daleel hai. Aur agar daikhe keh usne saanp ko mara hai daleel hai keh dushman ko maghloob karega.

    Hazrat Khalaf ASfahani farmate hain agar daikhe keh usne saanp ko maara hai aur iska khoon iske jism par mala hai daleel hai keh dushman ka maal hasil karega. Aur agar daikhe keh usne apne bistar par saanp mara hai daleel hai uski aurat maregi.

  3. Khwab mein saanp ka katna

    Aur agar daikhe keh usne saanp se ladayi ki hai daleel hai keh dushman se jhagda karega. Aur agar daikhe keh saanp is par ghalib aaya hai daleel hai keh dushman par fatah na payega. Aur agar daikhe keh saanp ne isko kaata hai daleel hai keh dushman se nuqsan payega.

  4. Khwab mein saanp ko khate huwe daikhna

    Aur agar daikhe keh usne saanp ka ghosht khaya hai daleel hai keh usi qadar dushman ka maal khayega aur khair aur khushi daikhega.

  5. Khwab mein saanp ka baat karna

    Aur agar daikhe keh saanp ne uske saath meharbani se baat ki hai, daleel hai keh uske darpaish a’jeeb kaam hoga. keh usse shadi aur khushi daikhega. Aur agar daikhe keh saanp ne iske saath tezi se baat ki hai daleel hai keh dushman ispar fatah payega.

  6. Khwab mein saanp ke tukde daikhne

    Agar daikhe keh usne saanp ke do tukde kiye hain daleel hai keh dushman se insaaf hasil karega. Aur agar donon tukde uthaliye hain daleel hai keh dushman ka lega.

  7. Khwab mein mara huwa saanp dekhna

    Aur agar mara huwa saanp daikhe daleel hai keh Haq ta’ala is se shar aur aafat ko door karega aur isko takleef na hogi. Aur agar daikhe keh saanp iska taabedar hai daleel hai keh martaba aur buzurgi payega.

  8. Khwab mein saanp ka bhagna

    Aur agar daikhe keh saanp isse bhaga hai aur isko pakad nahi saka hai toh dushman zaef par daleel hai. Aur agar daikhe keh sabz saanp hai daleel hai keh dushman deendaar aur ba-amanat hoga. Aur agar dosre saanpo ke alawa siya saanp ko daikhe toh lashkar par daleel hai. Aur agar saanp zard hai toh beemar dushman par daleel hai. Aur agar surkh daikhe toh maa’shar aur aish pasand dushman par daleel hai.

  9. Khwab mein saanp ko paaon ke saath daikhna

    Aur agar daikhe keh saanp ke bohat paaon hain daleel hai keh iska dushman Qawi aur dilaawar hoga.

  10. Khwab mein bohat se saanp daikhna

    Aur agar daikhe keh bohat se saanp iske saamne jama hain aur isko satate hain daleel hai keh iske bohat se khwaish dushman honge. Lekin inse nuqsan na daikhega. Aur agar daikhe keh saanpo ke jism par sar aur bohat se daant hain daleel hai keh iska dushman keena parwar aur badkhaslat hoga. Hazrat Ismaeel Shuaib rehmatullahi a’laih ne farmaya hai keh safed saanp ka daikhna dushman ko daikhna hai aur siyah saanp sipahi hai.

  11. Khwab mein saanp ka nikalna

    Hazrat Jabir Maghrabi reh’matullahi a’laih ne farmaya hai: Agar daikhe keh saanp iski naak, kaan, pistan, ya peeche ki jagah se nikala hai daleel hai iska farzand iska dushman hoga. Aur agar daikhe keh saanp iske muh se nikla hai keh wabal e jaan baat karega.

    Hazrat Khalaf ASfahani  farmate hain Aur agar daikhe keh saanp iske girebaan ya muh se nikal kar zameen mein ghusa hai daleel hai keh halak hoga. Aur Khar e Maar khwab mein zaeef aur kamzor dushman hai. Aur agar daikhe keh uski aasteen se saanp nikla hai daleel hai keh iska farzand iska dushman hoga.

  12. Khwab mein saanp se bhagna ya isko pakadna

    Aur agar daikhe keh saanp se bhaga hai aur isko saanp ne nahi daikha hai daleel hai keh aaram aur khushi payega. Agar daikhe keh saanp ne isko pakda hai aur dukh nahi diya hai, daleel hai keh buzurgi payega aur dushman se aman mein hoga.

    Hazrat Khalaf ASfahani reh’matullahi a’laih ne farmaya hai Agar daikhe keh sabz saanp iska mutee’ huwa hai daleel hai keh khazana payega.

 

Tags: , , , , , , ,

Leave a Reply

Your email address will not be published. Required fields are marked *

x