Contents
Khwab mein Akhrot dekhne ki tabeer
Khwab mein Akhrot jama karda maal hai. Agar Akhrot ki awaz sunayi di hai toh yeh hai jhagde aur shor wa gul ki alamat hai. Aur Akhrot ka darakht a’jami bakheel aadmi hai. Tangi, takleef aur Maale tami ka malik hai.
Jo dekhe keh woh ek Akhrot ke darkht par baitha hai toh woh ek zabardast a’jami aadmi se talluq rakhega. Agar darakht se neeche utara hai toh iske aur us mutalliqa shaks se jis wajeh se talluq rakha tha woh tamam nahi hoga. Agar darakht se gira hai aur margaya hai toh woh kisi zabardast aadmi ya badshah ki zimmadari mein qatal hoga.
Aur iski chiknayi nichodne ke baad hi nikalna mumkin hoti hai. Agar dekhe keh usne ek baagh se Akhrot uthaye hain toh isko aurat ki taraf se maal hasil hoga. Agar Akhrot chila huwa tha toh woh rizq hai . Agar Akhrot ke chilke khaye hain toh bakheel aadmi ki gheebat karega.
Agar uski biwi ne Akhrot iske saamne bhikeray hain toh woh iske kapdon ko jalayegi. Jo shaks dekhe keh woh Akhroton ke saath khelta hai toh woh maal e haram mein mashgool hai. Neiz Akhrot ki tabeer wa tamseel Saliheen, sardaron aur bhai biradaron ke saath bhi ki jati hai.
Neiz Akhrot ki tafseer badan ki sehat aur taweel safar ke saath bhi ki jati hai. Agar khwab dekhne wali koi aurat ho toh iska Akhrot dekhna umar ki darazi par daleel hai. Akhrot zauj ki bhi daleel hai.
Neiz dushwariyon ke door hone ki daleel hai. Aur toota huwa Akhrot bila mushaqqat hasil hone wala maal hai.
Khwab mein Akhrot ka darakht tutna
Agar woh darakht toot gaya hai toh woh zabardast aadmi halak hoga, jabke woh girne ke baad khud ko marte dekhe. Agar nahi mara hai toh nijat payega. Agar dekhe keh us waqt iske haath aur paon toot gaye hain toh halakat ke kinara pohuncha hai. Aur isko a’zeem bala wa musibat pohunchegi. Magar yeh keh woh kuch arsa baad nijat paalega.
Khwab mein Akhrot ka darakht katna
Jo dekhe keh usne Akhrot ka darakht kata hai toh woh a’jami aadmi ko qatal karega. Akhrot ka mewa aisa maal hai jo begair mushaqqat wa mehnat ke nahi nikal sakta hai kyunkeh Akhrot todne ke baad hi khaya jasakta hai.
