Contents
Khwab mein aag dekhna kaisa hai?
Tamam tareefein ALLAH A’zzawajal ke liye aur Durood O Salam ho uske pyare bande Mohammadur RasoolAllah (Sallallahu a’laihi wa sallam) par
Hazrat Daniyal A’laihissalam ne farmaya hai, keh agar khwab mein aag begair dhuwein ke daikhe toh daleel hai keh badshahi ke qareeb hoga. Aur basta kaam pure honge. Aur agar daikhe keh isko kisi ne aag mein girakar jala diya hai toh daleel hai keh badshah ispar zulm karega. Lekin jaldi khulasi payega aur basharat aur neiki payega. Chunanche farmane Haq ta’ala hai:
“Humne hukum diya keh Aye aag sard hojaa aur Ibrahim A’laihissalam par salamati hojaa.”
Khwab mein aag dekhne ki tabeer
Hazrat Jafar Sadiq Reh’matullahi A’laih ne farmaya hai keh khwab mein barish ka daikhna 12 wajeh par hai:
- Rehmat
- Barkat
- Faryad chahna
- Ranj O Beemari
- Bala
- Ladayi
- Khoon Bahana
- Fitna
- Qahat
- Amaan pana
- Kufr
- Jhoot
Khwab mein aag ne jalaya nahi
Agar khwab mein daikhe keh aag ne isko jalaya nahi hai toh daleel hai keh karahat ke saath safar karega.
Khwab mein khud ko aag lagte dekhna
Aur agar aag ko bhatakta huwa dekhe toh daleel hai keh tap se beemar hoga. Aur agar dekhe keh aag ne iska jism jala diya hai daleel hai keh jalan ke mutabiq isko ranj O nuqsaan pohunchega. Aur agar koi dekhe keh iske ghar mein aag padhi hai aur iske saare jism ko jala diya hai aur bhadakti hai aur iske dil mein isse khauf aur dehshat nahi aayi hai toh daleel hai keh isko mehnat aur musibat ke sabab beemari aur kamzori aayegi.
Agar koi badi aag zameen par dekhe toh daleel hai keh is mauzu par jang aur fitna hoga.Agar dekhe keh badi aag lakdiyon ko jalati hai toh fitna aur jung par daleel hai.
Agar khwab mein dekhe keh aag logon ko jalati hai toh daleel hai isko dushmano par fatah hogi aur agar dekhe keh aag ne isko jala diya aur isme raushni na thi toh daleel hai keh marz sarsaam se beemar hoga aur is aag mein noor dekhe toh daleel hai keh khwaishon aur farzandon mein se kisi ke yahan bacha aayega keh log iski tareef karenge aur is noor e aatish ke barabar buzurgi aur maal payega.
Khwab mein aag ko pakadna
Aur agar daikhe keh aag ko pakad liya hai toh daleel hai keh usi qadar badshah se maal e haram milega. Agar dekhe keh aag dhuwedar hai toh daleel hai keh isko maal e haram mehnat aur ranj se milega aur bohat sa jhagda dekhega.
Khwab mein aag ki garmi ka pohunchna
Agar dekhe keh isko aag se garmi aur tapish pohunchi hai toh daleel hai keh koi shaks iski gheebat karta hai.
Khwab mein aag ke sholon par dalna
Hazrat Kirmani Reh’matullahi A’laih ne farmaya hai keh agar koi khwab mein dekhe keh aag ke shole logon par dalta hai toh daleel hai keh logon mein a’daawat aur dushmani dalega.
Khwab mein aag lagne ki tabeer
Agar saudagar khwab mein dekhe keh uski dukan aur saman ko aag lagi hai toh is amr ki daleel hai keh uska saman barbaad hoga ya 1 dirham ki cheez 3 dirham mein farokht karega aur kisi par shafqat na karega.
Agar dekhe keh kisi ke ghar mein aag lagi hai toh is amr ki daleel hai keh woh aadmi jang aur fitna aur baadshah ke zulm mein giraftar hoga.
Khwab mein aag ka jalana
Aur agar koi jali huwi cheez dekhe toh daleel hai keh auraton ki wajeh se kisi ke saath ladega.
Agar dekhe keh kisi shehar ya mehal mein aag lagi hai aur sab kuch jala diya hai aur aag shola marti hai aur aawaz khaufnaak deti hai toh daleel hai toh is jagah mein karzaar ya sakht beemari padegi.
Agar dekhe keh aag ne kuch cheezein jala di hai aur kuch chod di hai aur khaufnaak aawaz nahi detihai toh is amr ki daleel hai keh is mauzu mein ladayi hogi. Aur agar shole raushan nahi hai toh sakht beemari padegi.
Khwab mein aag ka nikalna aur awaz karna
Aur agar aag ko dhuwein ke saath dekhe toh daleel hai keh apne kaamon mein dar aur dehshat dekhega. Agar dekhe keh aag aasmaan se giri aur usne shehar ya muhalla ko jala diya hai toh is amr ki daleel hai keh is shehar ya jagah par bala aur fitna padega.
Aur agar dekhe keh khaufnaak awaz aati thi aur aag shole marti thi lekin jis jagah padi hai shole nahi maare hain toh is amr ki daleel hai keh is jagah zabani jhagda aur fasad hoga.
Agar dekhe keh zameen ke neeche se khaufnaak aag nikali hai aur aasmaan ki taraf gayi hai toh daleel hai keh us jagah ke log Khuda ta’ala ke pyaron ke saath is aag ki taqat ke mutabiq jhoot aur bohtan ke saath ladayi ladenge. Aur agar dekhe keh be-tahasha jagah bujh jati hai aur woh aag kuch takleef nahi deti hai toh daleel hai keh sahab e khwab faida hasil karega aur agar darwaish hai toh maaldaar hoga.
Khwab mein aag aasman se nikalna
Hazrat Asha’th Reh’matullahi A’laih ne farmaya hai keh agar koi shaks khwab mein dekhe keh aag aasman se barish ki tarah barasti hai toh daleel hai keh us jagah baadshahon ki taraf se khoonrezi aur bala aayegi. Aur agar dekhe ke aasman se aag aayi hai aur iske khane ki cheezon ko jala diya toh daleel hai keh iski ibadat Haq ta’ala ke nazdeek qabool huwi hai. Farmane Haq ta’ala hai “Qurbani ke isko aag khayegi.”
Agar dekhe keh aasman se aag aarahi hai aur kisi cheez ko nahi jalati hai toh Haq ta’ala ke khauf ki hai. Farmane Haq ta’ala hai: “Aag ka azaab jisko tum jhutlate the”. Aur isko badshah se khauf hoga.
Khwab mein aag par daikhna
Agar dekhe keh badi aag par hai toh is amr ki daleel hai keh ek buzurg badshaah ke nazdeek hoga. Aur agar dekhe keh koi cheez aag par lagata hai toh daleel hai keh deen aur dunya ka kaam tamam hoga. Aur agar apne aap ko aag par khada huwa dekhe toh is amr ki daleel hai keh isko ranj pohunchega.
Khwab mein aag ka utarna
Agar dekhe keh aag zameen par utari aur zameen ki sabzi ko jalati hai toh daleel hai keh is mulk mein Khudana khwasta nagahani maut aayegi. Aur agar dekhe keh ek badi aag ne quba ya minara ko jala diya hai toh is amr ki daleel hai keh us jagah ka baadshah marega.
Baaz tabeer bayan karne wale kehte hain keh agar koi dekhe keh aag zameen se nikalkar raushan huwi hai toh daleel hai keh us jagah khazana hoga.
Khwab mein aag khana
Hazrat Jafar Sadiq Reh’matullahi A’laih ne farmaya hai keh Agar khwab mein dekhe keh aag ke tukde khata hai toh is amr ki daleel hai keh yateemo ka maal khata hai. Farmane Haq ta’ala hai “Jo log yateemon ka maal Zulm se khate hain, woh apne paiton mein aag khate hain woh jaldi dozakh mein jayenge.”
Agar dekhe keh iske muh se aag nikalti hai toh is amr ki daleel hai keh jhooti baat aur bohtan lagata hai.
Khwab mein aag dhuwein ke saath daikhna
Agar aag dhuwein ke saath dekhe toh is baat ki daleel hai keh isko baadshah se dar aur khauf hoga.
Khwab mein bazar mein aag dekhna
Agar aag ko bazar mein dekhe toh yeh bazarwalo ki be-deeni ki daleel hai keh bazarwale tijarat mein insaaf nahi karte hain aur khareedi huwi cheezon mein jhoot bolte hain. Aur agar kisi mulk mein aag lagi huwi dekhe toh daleel hai keh wahan ke log baadshah ke saath ladte hain aur isse ria’aya par Zulm hota hai.
Khwab mein aag kapda jalate huwe dekhna
Agar na malum mahine mein aag dekhe toh be-deeni ki daleel hai. Aur agar kisi ke kapdo ko aag lagi huwi dekhe toh daleel hai keh ispar musibat aur dehshat aur khauf padega. Agar dekhe keh aag ne iska kapda jala diya hai toh daleel hai keh apnon ke saath ladega aur maal ke sabab se gumnaak hoga.
Mainy apne biwe ko aag main jalty howy dekha is ke kya tabeer hai plz bta dy
Kisi bimari, rang ya takleef mein mubtala hone ki alamat hai.
Mere Kwaab mai, mere seher mai aag lag gyi, aur vo puro seher mai bomb ki tarah fail gyi aur. Aur mai bhaga par ghar ki ander jane se pehle hi aag mere aas pass fail gyi, mene aakh kholi to aag mere aas pas thi, mene kalma padhna suru kr diya aur kuch lamho tak padhta rha aur fir mai nind se jaag gya.
Hum ne Dekha ki aag gas cylinder ke uper lagi aur jab hum ne Azaan Di to aag bujh gai
Maine dekha k halki halki aagmere ghar k bahar lagi hai or bujh rhi hai zeda aag paharon pe nazar aa rahi hai lekin koi muqsan nai ho raha log nikal nikal k dekh rhe hain lekin aag bohat ahista ahista bujh rhi hai
Meri ammi na khwab ma dekha la uski suteli beti apni mu sa agg nikal rahi hai aur hum pa pank rahi hai barai mehrubani tabeer
Khudka duppate KO aagse jalakar khud pe dalna.
hamry ghr k do portion hai oper waly portion main meri jethani rehti hai .main ny daikh k meri jethani ny shor machaya k ag lg gai hai sab jal gea hai.main staire py ja k daikhny lgi tou us ny meri trf aag main lipti hoi koi chez phanki hai lekin us ny mujhy koi nuqsan nahi pohanchaya main peachy hat gai thi.agg bohat ziada thi.
mainae khuwab main apne walid ko jall kar marnnae ki khabar sunni or yeh bhi sunnah kai woh sarae kai sarae jal gayai hain or sab rishtedar ghar aakar bht rou rahai hain mujhe iski tabeer jald bata dein
Assalamualaikum hamein Khwab m aag cylender bhot sarri
m dekhi h unke pass walida bethi h or meri beti side m khadi h
Main ne khuab main Aag ki barish dekhi hy or main ne Masjid main panah li hy or main wahan mehfooz hu or bahar aag ki barish ho rahi hy, khuab main sooch raha hu k qayamat se pehle ki nishani waali aag ki barish hy.
Iska matlab bata den please.