Khwab Mein Phool Dekhna

Khwab Mein Phool Dekhne ki tabeer

Hazrat Jafar Sadiq (radiallahu a’nhu) ne farmaya hai keh phool ka khwab mein dekhna 6 wajeh par hai:

1. Farzand
2. Dost
3. Kam himmat mard
4. Kaneez
5. Ghulam
6. Ghayib ka khat

• Khwab mein phool lazzat wa khair ki daleel hai.
• Jo shaks apne sar par phoolon ka taj dekhe toh woh shadi karega.
• Aur be-mausam phool dekhna husool e gham wa  fikar ki daleel hai.
• Mukhtalif rangon ke phool dunya aur dunya ki raunak aur mata’a ki daleel hai.
• Phool aurton ke liye hamal ki basharat hai aur zawal e gam wa fikar ki alamat hai.
• Khwab mein phool khoobsurat aurat hai. Khwab mein jo phool dekhe woh aisi aurat ko payam e nikah dega jiske saath uski koi qarabat ya rishta nata nahi hai.
• Aur khwab mein phool lawh o lahab, hirs, hasne, tasweer aur khubsurat libas ki daleel hai. Khwab mein jise phool mile hon toh uska nafs ya toh mazkoora ashyaa ki taraf maayil hoga. Ya phir woh dene wale se milega, ya shadi karega ya baandi ya mughayya khareedega.
• Kabhi phool badshah ki biwi hai. Baaz kehte hain keh phool ajnabi aurat hai. Lihaza jo khwab mein phool dekhe toh agar woh kuwara hai toh ghair jins (dosri qaum, khandaan) aurat se shadi karega.

Khwab mein phool dekhna kaisa?

Hazrat Ibn e Sirin (rehmatullahi a’laih) ne farmaya hai ke khwab mein phool ka hukum 2 qismon par hai. Ek darakht par phool ka hona. Aur dosre be-darakht ke hona. Aur jis phool ke liye patta nahi hai, uska dekhna saahib e khwab ke gam wa andwa par daleel hai.

Imam Jabir Maghrabi (reh’matullahi a’laih) ne farmaya hai keh khwab mein phool kam himmat aur bad-a’mad shaks hai jo kisi se wafa nahi karta hai. Aur agar dekhe keh kisi ko phool diya hai ya haath se giraya hai, daleel hai keh aise bewafa shaks ki sohbat se door hoga.

Hazrat Ismae’el Asha’th (rehmatullahi a’laih) ne farmaya hai keh khwab mein phool khat hai jo ghayib se isko milega ya ghayib shaks aayega.

Khwab mein phool ka darakht dekhna

Aur khwab mein phool ka darakht sardar aur baat karne wala shaks hai.

Khwab mein surkh phool dekhna

Aur agar surkh phool koi uske mausam mein darakht par dekhe, daleel hai keh uske farzand hoga aur agar bewaqt dekhe toh farzand ki wajeh se musibat mein giraftar hoga.

Khwab mein safed phool dekhna

Khwab mein safaid phool ka darakht, izzat, martaba aur daulat par daleel hai. Aur agar apne ghar mein phool ka darakht dekhe toh daleel hai keh kisi ladki ko nikah mein laayega. Aur agar kayi tarah ke phool khile huwe dekhe daleel hai keh apne khwaishon aur ahle bait se khush hoga.Aur agar darakht e gul ki jad zameen se ugi huwi dekhe daleel hai keh uske ghar ke log kamil honge.

Khwab mein peele phool dekhna

Khwab mein zard phool ka darakht, saudagar aurat, hajat poori karne wali hai. Agar apne ghar mein gul e sadbargh ko dekhe daleel hai keh farzand ke sabab se khush hoga.

Khwab mein chameli ka phool dekhna

Khwab mein jasmine / motiya/ mogre ke phool dekhnay ki tabeer darj zeel hai:

1. Khwab mein chameli pana ya dekhna khushi aur rahat hasil hone par dalalat hai.
2. Chameli ki tabeer ulama se bhi karte hain.
3. Kisi ne khwab dekha keh farishte utar rahe hain aur shehar se chameli chun rahe hain toh tabeer hai keh us ilaqay ke u’lama wafat pajayenge. Aur kabhi uski dalalat gamon aur takleef ke door hone par hoti hai.
4. Ghair shadi shuda logon ke liye shadi ki alamat hai.
5. Chameli ko khilne se pehle dekhna kuwari se shadi ki taraf ishara hota hai.
6. Apne badan mein thandak mehsoos karne wala shaks, agar khwab mein apne paas chameli dekhe toh uski yeh shikayat khatam hojayegi isliye keh chameli ka mizaaj garam hai aur thandey mizaaj walon ke liye sehat ke aitbar se durust hai.

Khwab mein gulab ka phool dekhna

Hazrat Ibn e Sireen Rehmatullahi A’laihi ne farmaya hai keh khwab mein gulaab tandrusti hai.

Agar daikhe keh khwab mein ispar kisine gulaab giraya hai daleel hai ke tandrust hoga. Aur log uski sifat wa sana karenge.

Aur agar daikhe keh usne kisi ke liye Gulaab diya hai daleel hai keh uska naam mulk mein mashoor hoga. Aur agar aalim (ALLAH se darne wala aur Islam ka Ilm rakhne wala) hai toh log iske ilm se nafa uthayenge.